DEKLARATA E BESIMIT

Duke u bazuar te Bibla, si Fjalë e Shkruar e Perëndisë, ne besojmë:

Se Bibla u frymëzua nga Perëndia, duke qënë Ai autori i vetëm intelektual i saj, duke ia zbuluar mesazhin e tij patriarkëve, profetëve dhe apostujve, nëpërmjet të cilëve u shkrua.
Në një Perëndi të vetëm, të përjetshëm, të vërtetë, të mbinatyrshëm që konsiston në tre persona të quajtur: Ati, Biri dhe Fryma e Shenjtë.
Se Jezu Krishti është i Vetëmlinduri i Atit, i lindur nga një grua, i ngjizur në të nga vepra e Frymës së Shenjtë, vdiq i kryqëzuar në Kalvar duke lidhur një besëlidhje të re me Atin dhe duke na dhënë akses te Shpëtimi, se ai u varros dhe u ringjall tre ditë më vonë, se u ngjit në qiell dhe është i ulur në të djathtë të Atit si udha jonë e vetme dhe ndërmjetësi ynë i vetëm përpara Atit Perëndi.
Se Kisha udhëhiqet nga Fryma e Perëndisë.
Se të gjithë kemi mëkatuar dhe jemi privuar nga lavdia e Perëndisë, megjithatë duke vepruar te ne pendimi, pagëzimi në ujë, pagëzimi me Frymën e Shenjtë, ndryshimi drejt një jete më të mirë, frytet e denja të pendimit dhe të qëndruarit në Besim deri në fund, na japin mundësinë për të pasur Shpëtim dhe Jetë të Përjetshme.
Se nga Zoti Jezus vjen falja e mëkateve tona.
Se të jetuarit një jetë të shenjtë, përkushtimi ndaj Perëndisë, kërkimi i vazhdueshëm i përsosmërisë, gjetja dhe praktikimi i saj, janë detyra të çdo anëtari të Kishës.
Në pagëzimin me Frymën e Shenjtë dhe në të folurit në gjuhë frymërore si provë e marrjes së tij.
Në kuptimin, përmbajtjen dhe praktikën shpirtërore të Darkës së Zotit, për të përkujtuar Veprën Shpenguese të Zotit Tonë Jezu Krisht.
Në ardhjen e dytë të Krishtit Jezus, mbi re, që ai do të marrë Kishën e tij me vete, do të transformoj në një trup qiellor ata që do të kenë qëndruar dhe që do të jenë duke jetuar në atë moment.
Në ringjalljen për Jetë të Përjetshme të të drejtëve për shkak të Besimit, dhe në dënimin e përjetshëm të mëkatarëve.
Se dhuntia kryesore e Frymës së Shenjtë që vepron në Kishë është dhunita e Profecisë, përmes së cilës Perëndia drejton jetën e njerëzve.
Se Perëndia shfaqet në Kishë nëpërmjet profecisë, vegimeve dhe ëndrrave.
Në shërbimet e Apostujve, Profetëve, Ungjilltarëve, Pastorëve dhe Mësuesve, të dhëna nga Fryma e Shenjtë për persosjen e Kishës së tij.
Se shërbyesit ose shërbyeses së Perëndisë i është zbuluar Doktrina, për shkak të Thirrjes dhe Mbështetjes së Zotit.
Në vënien e duarve si një mënyrë për të marrë, zgjuar dhe zhvilluar dhuntitë e dhëna nga Fryma e Shenjtë.